Azərbaycanda son illər külək enerjisi istehsalında azalma tendensiyası müşahidə olunur.
Dövlət Statistika Komitəsinin məlumatlarına əsasən, 2020-ci ildən etibarən bu sahədə ardıcıl azalmalar qeydə alınıb. Ən kəskin azalma 2023-cü ildə baş verib, həmin il külək enerjisi istehsalı əvvəlki illə müqayisədə 33,5 faiz azalıb.
Digər illərdə isə azalma belə olub:
-
2020-ci ildə – 8,8 %,
-
2021-ci ildə – 4,9 %,
-
2022-ci ildə – 8,9 %,
-
2024-cü ildə – 8,1 %.
Külək enerjisi istehsalında, xüsusilə 2018-2019-cu illərdə, qeydə alınan artım “Yeni Yaşma” Külək Elektrik Parkının (50 MVt gücündə) istismara verilməsi ilə bağlı olub.
Bu ilin sonunda gücü 240 MVt olan "Xızı-Abşeron" Külək Elektrik Stansiyasının istismara verilməsi ilə külək enerjisi istehsalında əhəmiyyətli artım gözlənilir.
