Energetika Nazirliyi yanında Bərpa Olunan Enerji Mənbələri Dövlət Agentliyinin (BOEMDA) yaradılmasından 6 il ötür.
Renewables.az xəbər verir ki, Dövlət Agentliyi Azərbaycan Respublikası Prezidenti İlham Əliyevin 22 sentyabr 2020-ci il tarixli 1159 nömrəli Fərmanı ilə yaradılıb və Agentliyin Əsasnaməsi təsdiq edilib.
Əsasnaməyə əsasən, BOEMDA bərpa olunan enerji mənbələri və onlardan səmərəli istifadə sahəsində dövlət siyasətinin formalaşdırılmasında və həyata keçirilməsində iştirak edən qurumdur.
BOEMDA bərpa olunan enerji mənbələri və onlardan səmərəli istifadə sahəsində fəaliyyətin təşkili, tənzimlənməsi və əlaqələndirilməsi, həmçinin müvafiq sahənin investisiya cəlbediciliyinin artırılması istiqamətində tədbirlər həyata keçirir.
Renewables.az 6 illiyi münasibətilə Dövlət Agentliyinin kollektivini təbrik edir və gələcək fəaliyyətində uğurlar arzulayır!
