Uels hökuməti dalğa enerjisi şirkəti "Inyanga Marine Energy Group"a 2 milyon funt sterlinq dəyərində səhm investisiyasını tamamlayıb.
Renewables.az renews.biz portalına istinadən xəbər verir ki, investisiya HydroWing turbinlərindəki təkmilləşdirmələri maliyyələşdirəcək, onlara 60 %-ə qədər daha çox enerji istehsal etməyə imkan verəcək.
İrlandiya dənizində, Müqəddəs Adanın qərb sahilində yerləşən, şəbəkə ilə əlaqəli "Morlais" qabarma-çəkilmə enerjisi sahəsində real dəniz şəraitində təkmilləşdirilmiş turbinlər sınaqdan keçiriləcək.
Qeyd edək ki, "Morlais" güclü dalğa axınları ilə tanınan ərazidə yerləşir. 35 kvadrat kilometrlik sahə tam inkişaf etdirildikdən sonra 180,000-dən çox evi elektrik enerjisi ilə təmin etmək üçün kifayət qədər elektrik enerjisi istehsal etmək potensialına malikdir və Avropanın ən böyük razılaşdırılmış dalğa enerjisi layihələrindən biridir.
