"Vestas" dünyanın ən hündür və güclü külək turbininin prototipini istehsal edib

Danimarkanın külək turbini istehsalçısı "Vestas" şirkəti 15 MVt-lıq külək turbininin prototipini istehsal edib. "Berpaolunanenerji.az" şirkətin rəsmi saytına istinadən xəbər verir ki, turbin ildə 80 milyon kVt-saat elektrik enerjisi istehsal edəcək. 280 metr hündürlüyündə dirəyə quraşdırılacaq prototip dünyanın ən hündür və güclü turbini olacaq. V236-15.0 MW™ prototipi bu ilin ikinci yarısında sınaq üçün Danimarkanın Qərbi Yutlandiya sahillərindəki Osterild milli sınaq mərkəzində quraşdırılacaq.