İşğaldan azad edilmiş Laçın rayonunda Həkəri çayının üzərində yerləşən "Güləbird" su elektrik stansiyasında (SES) istismara verildiyi tarixdən bu ilin fevralın 1-dək 87,7 milyon kVts elektrik enerjisi istehsal edilib.
Energetika Nazirliyinin məlumatına görə, "Güləbird" SES 5 il əvvəl, 2021-ci il fevralın 14-ü yenidən bərpa olunaraq istifadəyə verilib. Basqılı derivasiya tipli stansiyanın ümumi gücü 8 MVt-dır.
Bu ilin yanvar ayında stansiyada 1,6 milyon kVts elektrik enerjisi istehsal edilib. Stansiyanın illər üzrə elektrik enerjisi istehsalı göstəriciləri:
- 2021-ci il: 2,4 milyon kVts;
- 2022-ci il: 22,5 milyon kVts;
- 2023-cü il: 21,9 milyon kVts;
- 2024-cü il: 21,5 milyon kVts;
- 2025-ci il: 17,8 milyon kVts.
Qeyd edilib ki, kiçik su elektrik stansiyalarında ekoloji cəhətdən təmiz elektrik enerjisi istehsal olunur və ətraf mühitə istixana effekti yaradan qazlar atılmır.
