2015-ci ilin dekabr ayının 1-də 20 meqavat gücündə Naxçıvan Günəş Elektrik Stansiyası (GES) Azərbaycan Respublikasının Prezidenti İlham Əliyevin iştirakı ilə istismara verilib.
Babək rayonunun Xal-xal kəndi yaxınlığında istismarda olan stansiyanın qoyuluş gücü 2017-ci ilin sentyabr ayının 8-də daha 2 meqavat artırılaraq 22 meqavata çatdırılıb. Stansiyada il ərzində 33 milyon kVts elektrik enerjisi istehsal edilməsi nəzərdə tutulub.
Qeyd edək ki, 22 meqavat gücündə Naxçıvan GES 2023-cü ildə 230 meqavat gücündə Qaradağ Günəş Elektrik Stansiyası istifadəyə verilənə qədər Azərbaycanın ən böyük günəş elektrik stansiyası olub.
