Ekspert: “Bütün regionlarımızda bu alternativ enerjini istehsal etmək mümkündür”
Alternativ enerjiyə keçid edərkən, Azərbaycan Dövlət Neft Şirkəti (SOCAR) Yol Xəritəsini hökumətin prioritetlərinə və mandatına uyğun olaraq formalaşdıracaqdır. Bu barədə SOCAR-ın 2020-ci il üzrə "Davamlı İnkişaf Hesabatı"nda bildirilib.
"Berpaolunanenerji.az" xəbər verir ki, energetika üzrə ekspert, beynəlxalq əlaqələr üzrə fəlsəfə doktoru Emin Axundzadə Sputnik Azərbaycan-a Azərbaycanın alternativ enerji portensialını şərh edib.
Ekspert bildirib ki, Azərbaycanın yetərincə böyük alternativ enerji imkanları var: “Ölkəmizdə günəşli günlərin sayının çox olması enerji istehsalı üçün yüksək səciyyələndirilir. Eyni zamanda Bakı və ətraf ərazilərində küləkli günlərin çox olması külək enerjisinin istehsalı üçün əlverişli hesab edilir. Azərbaycan bərpa olunan enerji sahəsində potensialı 27 min meqavatt həcmində dəyərləndirilir. Bunun 3 mini külək, 23 mini isə günəş enerjisinin payına düşür. Günəş enerjisinin istehsalı demək olar ki, Azərbaycanın bütün regionlarında mümkündür. Bununla yanaşı işğaldan azad edilmiş ərazilərimizin də geniş alternativ enerji potensialı mövcuddur. 2030-cu ilə qədər ümumi enerji balansında alternativ enerjinin payının 30 faizə çatdırılması planlaşdırılır”.
Rəylər (0):