Azərbaycan və Cənubi Sudan Respublikası enerji sektorunda əməkdaşlığı nəzərdən keçirib
Azərbaycan və Cənubi Sudan Respublikası arasında dayanıqlı enerji təchizatı və enerji sektorunda əməkdaşlıq imkanları nəzərdən keçirilib
Renewables.az bu barədə Azərbaycan Dövlət Neft Şirkətinə (SOCAR) istinadla xəbər verir.
Bildirilib ki, bu gün SOCAR prezidenti Rövşən Nəcəf Qoşulmama Hərəkatının Əlaqələndirmə Bürosunun nazirlər görüşündə iştirak etmək üçün ölkəmizdə səfərdə olan Cənubi Sudan Respublikasının xarici işlər və regional əməkdaşlıq naziri səlahiyyətlərini icra edən Denq Dau Denq Malek ilə görüşüb.
Görüşdə Azərbaycanın təşəbbüsü və iştirakı ilə reallaşdırılan strateji əhəmiyyətli enerji layihələri, habelə SOCAR-ın fəaliyyət istiqamətləri haqqında ətraflı məlumat verilib, Cənubi Sudanın zəngin enerji resurslarından bəhs edilib.
Görüş çərçivəsində, həmçinin infrastruktur layihələri, təcrübə mübadiləsi, həmçinin, qarşılıqlı maraq doğuran digər məsələlər ətrafında fikir mübadiləsi aparılıb.
Rəylər (0):