Azərbaycan və Qazaxıstan "yaşıl" layihələrin maliyyələşdirilməsi ilə bağlı təcrübə mübadiləsini müzakirə edib

• 15.02.2024 11:24
• 287

İqtisadiyyat Nazirliyinin Sahibkarlığın İnkişafı Fondu (SİF) və Qazaxıstanın “DAMU” Sahibkarlığın İnkişafı Fondu "yaşıl" layihələrin maliyyələşdirilməsi ilə bağlı təcrübə mübadiləsi imkanlarını müzakirə edib.

Renewables.az SİF-ə istinadən xəbər verir ki, Fondla “DAMU” arasında onlayn görüş keçirilib.

Görüşdə SİF-in ətraf mühit, sosial və idarəetmə istiqamətləri üzrə fəaliyyəti təqdim edilib, "yaşıl" layihələrin maliyyələşdirilməsi istiqamətində görülən işlərə toxunulub. Həmçinin “DAMU”nun bu istiqamət üzrə təcrübəsi öyrənilib.

Qeyd edək ki, 2019-cu ildən etibarən SİF-lə əməkdaşlıq edən “DAMU” Qazaxıstanda KOB subyektlərinin iqtisadi inkişafını stimullaşdırmaq, onları dəstəkləmək üçün dövlətin maliyyə vəsaitlərindən effektiv istifadəni artırmaq məqsədilə fəaliyyət göstərir.

• yaşıl enerji