Azərbaycanda bərpa olunan mənbələrdən elektrik enerjisi istehsalı 11 % artıb
Yanvar-aprel aylarında ötən ilin eyni dövrünə nisbətən su da daxil olmaqla bərpa olunan mənbələrdən 59,6 mln. kVt-saat artımla 618,8 mln. kVt-saat elektrik enerjisi istehsal edilib.
"Berpaolunanenerji.az" xəbər verir ki, bu barədə energetika naziri Pərviz Şahbazov özünün tviter səhifəsində yazıb.
Qeyd edək ki, bu, ötən ilin eyni dövrü ilə müqayisədə 10,7 % çoxdur.
Hesabat dövründə bərpa olunan enerji istehsalı ümumi elektrik enerjisi istehsalının 7 %-ni təşkil edib.
Qeyd edilir ki, su elektrik stansiyalarından 492,6 mln. kVt-saat, külək elektrik stansiyalarından 32,2 mln. kVt-saat, günəş elektrik stansiyalarından 18,0 mln. kVt-saat, Bərk Məişət Tullantılarının Yandırılması Zavodunda (bioenerji) isə 76,0 mln. kVt-saat elektrik enerjisi istehsal edilib.
Rəylər (0):