EBRD Azərbaycanda bərpa olunan enerjinin şəbəkəyə inteqrasiyası ilə bağlı layihələrə kredit ayıra bilər
Energetika nazirinin müavini Elnur Soltanov Avropa Yenidənqurma və İnkişaf Bankının (EBRD) Şərqi Avropa və Qafqaz ölkələri üzrə idarəedici direktoru Matteo Patronun rəhbərlik etdiyi nümayəndə heyətini qəbul edib.
Renewables.az Energetika Nazirliyinə istinadla xəbər verir ki, görüş zamanı nazir müavini AYİB ilə müxtəlif sahələrdə, o cümlədən enerji sektorunda uzunmüddətli əməkdaşlığın mövcud olduğunu bildirib.
Hazırda davam edən “Bərpa olunan enerji mənbələrinin şəbəkəyə inteqrasiyasının təmin edilməsi məqsədilə ötürücü şəbəkənin gücləndirilməsi” layihəsinin yaşıl enerjidən istifadənin genişləndirilməsi kontekstində əhəmiyyəti vurğulanıb. İnteqrasiya ilə əlaqədar aparılan təhlillərdən bəhs edilib və müəyyən konkret layihələrə kredit ayrılması məsələsi müzakirə olunub.
Rəylər (0):