Francesco La Camera: "Hidroenergetikaya illik investisiyalar 5 dəfə artmalıdır"
"Hidroenergetikada ən son texnoloji inkişafdan istifadə etmək vacibdir".
"Renewables.az"ın məlumatına görə, bunu Beynəlxalq Bərpa Olunan Enerji Agentliyinin (IRENA) baş direktoru Francesco La Camera "Hidroenergetikanın dəyişən rolu: çağırışlar və imkanlar" adlı hesabata dair fikirlərini bildirərkən deyib.
IRENA-nın baş direktoru su elektrik stansiyalarının bir əsrdən artıqdır ki, təmiz enerji istehsalının effektiv mənbəyi olduğunu qeyd edib: “Lakin sürətlə inkişaf edən enerji mühitində biz davamlılığı və iqlimə davamlılığı təmin etməklə yanaşı hidroenergetikanın gələcək rolunu yenidən qiymətləndirməli və potensialını araşdırmalıdır".
Francesco La Cameranın sözlərinə görə, iqlim hədəflərinə çatmaq üçün hidroenergetikaya illik investisiyalar 5 dəfə artmalıdır: "1.5°C senarisinə əsasən, dünya tamamilə karbonsuzlaşmalı və Paris Sazişində müəyyən edilmiş iqlim hədəflərinə əməl edilməlidir. 2050-ci ilə qədər su elektrik stansiyasının quraşdırılmış gücü, o cümlədən nasosla işləyən su anbarı iki dəfədən çox artırılmalıdır. Bunun üçün hidroenergetikaya illik investisiyaların təxminən beş dəfə artması tələb olunur. Siyasət dəstəyi və investisiya onların davamlılığını və iqlimə davamlılığını təmin etməyə yönəlməlidir".
Rəylər (0):