Kəlbəcərdəki kiçik SES-lərdə 70 milyon kilovat-saat təmiz enerji istehsal olunub
2020-2023-cü illər ərzində Kəlbəcər rayonunda “AzərEnerji” tərəfindən ümumi gücü 32 meqavat olan “Kəlbəcər-1”, “Meydan”, “Qamışlı”, “Çıraq-1”, “Çıraq-2” və “Soyuqbulaq” kiçik su elektrik stansiyaları yenidən qurularaq Ölkə Prezidenti İlham Əliyevin iştirakı ilə istismara verilib.
Renewables.az “AzərEnerji”-yə istinadən xəbər verir ki, məskunlaşma siyasətinə uyğun olaraq 20-dən artıq kəlbəcərli bu stansiyalarda daimi işlə təmin olunub.
Bu günə kimi istismara verilən 6 kiçik su elektrik stansiyasında 70 milyon kilovat-saata yaxın ekoloji cəhətdən təmiz yaşıl enerji istehsal edilib.
Qeyd edək ki, cari ilin bolsulu olması və quraşdırılan turbinlərin səmərəlilik göstəricilərinin yüksək olması səbəbindən stansiyalar hazırda nominal gücdə işləyir.
Rəylər (0):