Mikayıl Cabbarov: "Arzum budur ki, sənaye zonalarının birini bərpa olunan yaşıl enerji ilə qidalandıra bilək"
Bizim istəyimizdən asılı olmayaraq bir sıra dövlətlər, həmçinin ticarət tərəfdaşımız olan ölkələr artıq öz qanunlarını qəbul ediblər. Bizdə istehsal olunan məhsul bu dövlətlərə göndəriləndə həmin məhsulun karbon izi hesablanaraq əlavə vergilər, kvotalar, məhdudiyyətlər tətbiq edilir. Bu proses genişlənərək digər ölkələri də əhatə edəcək.
Renewables.az AZƏRTAC-a istinadla xəbər verir ki, bu sözləri iqtisadiyyat naziri səlahiyyətlərini icra edən Mikayıl Cabbarov “Vergi sistemi yeni inkişaf dövründə: davamlı iqtisadiyyat üçün strateji hədəflər” adlı forumda bildirib.
O bildirib ki, öz müəssisələrimizin rəqabət qabiliyyətini qoruyub saxlamaq istəyiriksə, bu tənzimləyici alətləri vaxtında müzakirə etməliyik.
“Arzum budur ki, ölkəmizdə fəaliyyət göstərən sənaye zonalarının heç olmasa birini bərpa olunan yaşıl enerji ilə qidalandıra bilək", - deyə Mikayıl Cabbarov vurğulayıb.
Rəylər (0):