“Uniper”: “Azərbaycan bərpa olunan enerji mənbələri baxımından nəhəng potensiala malikdir”
“Uniper” şirkəti Azərbaycanı böyük gələcək vəd edən bərpa olunan enerji bazarı kimi nəzərdən keçirir”.
“Berpaolunanenerji.az”ın məlumatına görə, bunu “Uniper” şirkətinin vitse-prezidenti Maykl Hilmer “Azərbaycanda Bərpa Olunan Enerji” mövzusuna həsr olunmuş Alman-Azərbaycan Davamlılıq Forumunda bildirib.
“Azərbaycan bərpa olunan enerji mənbələri baxımından nəhəng potensiala malikdir”, - o deyib.
M.Hilmer 2013-cü ildən etibarən Azərbaycanda fəaliyyət göstərdiklərini və SOCAR şirkəti ilə əməkdaşlıq etdiklərini nəzərə çatdırıb.
Xatırladaq ki, SOCAR və “Uniper” şirkətləri 2015-ci ildə sənaye səmərəliliyi sahəsində birgə müəssisə yaradıb. Birgə müəssisə SOCAR-ın Sumqayıt şəhərində yerləşən “Azərikimya” kompleksində elektrik və buxar istehsal edən qurğuların səmərəliliyini artırmaqla əlavə dəyər əldə edəcək.
“Uniper” və SOCAR şirkətləri bir çox digər istiqamətlər, o cümlədən texnologiya və enerji təsərrüfatı sahəsində təcrübə mübadiləsinin aparılması, menecment və sosial məsuliyyət sahəsində təlimlərin keçirilməsi üzrə əməkdaşlıq edir.
Rəylər (0):