Bərpa olunan enerji mənbələri Latın Amerikası regionunun elektrik enerjisinin 60 faizini istehsal edir
Latın Amerikası və Karib hövzəsinin zəngin enerji resursları qlobal enerji təhlükəsizliyinə və təmiz enerji keçidlərinə böyük töhfələr verə bilər.
Renewables.az xəbər verir ki, bu barədə Beynəlxalq Enerji Agentliyinin (IEA) hesabatında bildirilib.
Hesabatda qeyd edilir ki, Latın Amerikası və Karib hövzəsi artıq dünyanın ən təmiz enerji sektorlarından birinə malikdir və gələcək təmiz enerji sənayeləri üçün parlaq perspektivlər təklif edir.
Hidroenergetikanın rəhbərlik etdiyi bərpa olunan mənbələr regionun elektrik enerjisinin 60 %-ni istehsal edir ki, bu da qlobal orta göstəricidən iki dəfə çoxdur, Braziliya, Meksika, Çili və Argentina dünyanın ən yaxşı külək və günəş enerjisi potensiallı ölkələrdəndir.
Bioenerjidən istifadə regionda geniş yayılıb və region bioyanacaqların əsas ixracatçısıdır. Region sürətlə inkişaf edən təmiz enerji texnologiyalarının bir çoxunda vacib komponentlər olan mineralların istehsalı üçün çox əhəmiyyətli məkandır - qlobal litium ehtiyatlarının təxminən yarısı, mis və gümüş ehtiyatlarının üçdə birindən çoxu regiondadır.
Hesabatda bildirilir ki, Latın Amerikası və Karib hövzəsi yeni qlobal enerji iqtisadiyyatında böyük rol oynaya bilər. İnanılmaz təbii sərvətlərə və bərpa olunan enerji mənbələrinə uzunmüddətli öhdəliyə malik olan region ölkələri artıq təmiz enerjiyə təhlükəsiz və dayanıqlı keçid edir.
Rəqabətqabiliyyətli bərpa olunan mənbələr həm də aşağı qiymətli və aşağı emissiyalı hidrogen istehsalına təkan verə bilər ki, bu da ağır sənayenin və yük daşımalarının daxili və beynəlxalq səviyyədə karbonsuzlaşdırıllmasına kömək edə bilər.
Hesabatda qeyd olunur ki, regionda təmiz enerji layihələrinin maliyyələşdirilməsi 2030-cu ilə qədər iki dəfə artaraq 150 milyard ABŞ dollarına və 2050-ci ilə qədər isə beş dəfə artmalıdır. Hesabata görə, regionda 17 milyon insanın elektrik enerjisinə çıxışı yoxdur.
Hesabata əsasən, regiondakı 33 ölkədən 16-sı əsrin ortalarına və ya ondan əvvələ qədər xalis sıfır emissiyaya çatmağı öhdəsinə götürüb.
Rəylər (0):