Bu il Azərbaycanda ilk enerji saxlanc sistemlərinin yaradılmasına başlanıla bilər
Azərbaycan 2027-ci ilədək mərhələli şəkildə "yaşıl" enerji üçün 250 meqavat gücündə anbar (batareya enerji saxlanc sistemi - red.) hazırlamağı planlaşdırır.
Renewables.az Trend-ə istinadən xəbər verir ki, bunu energetika nazirinin müavini, COP29-un baş icraçı direktoru Elnur Soltanov Şuşada keçirilən II Qlobal Media Forumu çərçivəsində “Yaşıl dünya naminə həmrəylik - COP29” mövzusunda təqdimat zamanı deyib.
"2027-ci ilə qədər bərpa olunan enerji mənbələrindən 2 qiqavat "yaşıl" enerji istehsal etməyi planlaşdırırıq. Bu həcm üçün Azərbaycana 250 meqavatlıq enerji anbarı lazımdır. Bu anbarı 2024-cü ildən başlayaraq mərhələli şəkildə yaradacağıq", - o deyib.
Nazir müavini qeyd edib ki, 2024-cü ildə Azərbaycan xarici tərəfdaşların dəstəyi ilə ilk 50 meqavat "yaşıl" enerjini saxlamaq üçün şərait yaratmağı planlaşdırır.
"Yerdə qalan 200 meqavatın yaradılmasının təfərrüatı sonra, lazım olduqca açıqlanacaq", - deyə o əlavə edib.
Rəylər (0):