Ordubad SES-də illik 190 milyon kVt-saat elektrik enerjisi istehsal ediləcək

• 17.10.2021 12:14
• 1094

Naxçıvan Muxtar Respublikasının Ordubad rayonunun Dəstək kəndi yaxınlığında, Araz çayı üzərində su elektrik stansiyasının inşası davam etdirilir.

Bu barədə "Berpaolunanenerji.az" "Nuhçıxan" agentliyinə istinadən xəbər verir.

Ölkə başçısının Naxçıvana 2017-ci ildə səfəri zamanı təməli qoyulan və bu il mayın 10-da MR-a növbəti səfərində baxış keçirilən Ordubad SES, Naxçıvanın enerji təhlükəsizliyini daha da möhkəmləndirəcək və ixrac imkanlarını artıracaqdır.

Araz çayı üzərində tikilən, 36 MVt gücündə olan Ordubad SES MR-da enerji təhlükəsizliyinin təmin olunması istiqamətində göülən işlərin davamı kimi mühüm rola malikdir.

Qeyd edək ki, stansiyada orta illik elektrik enerjisi istehsalı 190 milyon kVt-saat nəzərdə tutulur.

• su elektrik stansiyası
• hidroenerji