Almaniyada qatarlar Norveçin hidroelektrik enerjisi ilə çalışacaq

• 18.09.2021 21:08
• 904

Almaniyanın dəmiryolu şirkəti “Deutsche Bahn” (DB), “Statkraft” şirkətinin Norveçdəki hidroelektrik stansiyasından elektrik satın alacaq.

Bu barədə “Berpaolunanenerji.az” DB-nin rəsmi saytına istinadən xəbər verir.

Anlaşma çərçivəsində DB, 2023-cü ildən etibarən, 10 il ərzində Norveç şirkəti “Statkraft”ın həmin ölkədəki hidroelektrik stansiyasından ildə təxminən 190 milyon kVt-saat enerji satın alacaq. Bunun da hər il 146 min tona qədər karbon emissiyasının qarşısını alacağı bildirilir.

Elektrik enerjisi Nordlink Şimal Dənizi xətti vasitəsilə Norveçdən Almaniyaya çatdırılacaq.

DB-nin icraçı direktoru Riçard Luts açıqlamasında, şirkətin 2040-cı ilə qədər sıfır karbon hədəfinin olduğunu bildirib.

Qeyd edək ki, dəmiryolu şirkəti elektrik ehtiyacının 61 %-ni bərpaolunan enerji mənbələrindən qarşılayır.

• hidroenerji