"Masdar" və IFC əməkdaşlıq müqaviləsi imzalayıb
Dünyanın ən sürətlə inkişaf edən bərpa olunan enerji şirkətlərindən biri olan "Masdar", Dünya Bankı Qrupunun üzvü Beynəlxalq Maliyyə Korporasiyası (IFC) ilə əməkdaşlıq müqaviləsi imzalayıb.
"Renewables.az" "Masdar"ın yaydığı məlumata istinadən xəbər verir ki, müqavilə Dubayda baş tutan "Dünya Hökumət Sammiti 2023" çərçivəsində "Masdar"ın baş icraçı direktoru Məhəmməd Cəmil əl-Ramahi və IFC-nin sənaye üzrə vitse-prezidenti Məhəmməd Gouled tərəfindən imzalanıb.
İmzalanma mərasimində BƏƏ-nin Sənaye və Qabaqcıl Texnologiyalar Naziri, COP28-in Təyinatlı Prezidenti və "Masdar"ın sədri Dr. Sultan Əhməd Əl Cabir, IFC-nin icraçı direktoru Maxtar Diop iştirak ediblər.
Razılaşmaya əsasən, "Masdar" və IFC yaşıl hidrogenin inkişafı, Afrikada bərpa olunan enerji, paylanmış fotovoltaiklər və innovativ texnologiyaların inkişafını araşdıracaq.
Müqavilə həmçinin paylanmış fotovoltaik sistemlərinin qəbulunu sürətləndirmək üçün mexanizmlərin tədqiqini və iqlim böhranına cavab olaraq inkişaf etməkdə olan bazarlarda innovativ yeni texnologiyaların və biznes modellərinin işlənməsini əhatə edir.
Rəylər (0):