Parlament İƏT-in Təmiz Enerji Mərkəzinin Nizamnaməsini təsdiqləyib

• 03.02.2025 15:41
• 26

İqtisadi Əməkdaşlıq Təşkilatının (İƏT) Təmiz Enerji Mərkəzi Bakıda yerləşəcək.

Renewables.az “Report”a istinadən xəbər verir ki, bu, Milli Məclisin yaz sessiyasının bu gün keçirilən ilk iclasında müzakirəyə çıxarılmış "İqtisadi əməkdaşlıq Təşkilatının Təmiz Enerji Mərkəzinin Nizamnaməsi"ndə əksini tapıb.

Qeyd edilib ki, mərkəz bərpa olunan enerji və enerji səmərəliliyi üzrə inkişafı təşviq edir və İƏT Üzv Dövlətlərinin milli təsisatlarının imkanlarını artırır.

İƏT-in Təmiz Enerji Mərkəzi təşkilat regionunda aşağı karbonlu layihə fəaliyyətlərinin həyata keçirilməsinə kömək məqsədilə dayanıqlı enerji məsələləri üzrə dəstək verir və maliyyə və texniki imkanları səfərbər edir.

Qanun layihəsi müzakirələrdən sonra qəbul edilib.

• təmiz enerji