Qarabağ və Şərqi Zəngəzurda 6 kiçik su elektrik stansiyasının tikintisi üzrə işlərə başlanılıb
Azərbaycan Prezidenti İlham Əliyevin işğaldan azad edilən əraziləri “yaşıl” enerji zonasına çevirmək, regionun hidroenerji potensialından səmərəli istifadə etmək barədə tapşırıqlarına əsasən “Azərenerji” ASC tərəfindən ümumi gücü 37,5 MVt olan 6 kiçik su elektrik stansiyasının tikintisi üzrə işlərə başlanılıb.
Renewables.az-ın xəbərinə görə, bu su elektrik stansiyalarının 2025-ci ilin birinci yarısında istismara verilməsi nəzərdə tutulur.
Həmin stansiyalarda ümumilikdə 110 milyon kVt-saatdan çox elektrik enerjisi istehsal ediləcək ki, nəticədə 24 milyon kubmetrdən çox təbii qaza qənaət olunacaq, həmçinin 44 min tondan çox karbon qazının atmosferə atılmasının qarşısı alınacaq.
Rəylər (0):