Asiya İnkişaf Bankı ilə bərpa olunan enerji mənbələrinin təşviqi müzakirə olunub
Enerji Məsələlərini Tənzimləmə Agentliyində (EMTA) Azərbaycanda səfərdə olan Asiya İnkişaf Bankının (ADB) nümayəndə heyətinin bir qrup üzvü ilə görüş keçirilib.
Renewables.az-a bu barədə EMTA-dan bildirilib.
Görüşdə EMTA-nın İdarə Heyətinin sədr müavini Rövşən İsmayılov, ADB-nin baş enerji mütəxəssisi Nana Qurgenidze və istilik məsələləri üzrə mütəxəssisi Sakari Oksanen, eləcə də ADB-in Bakı ofisinin və Agentliyin əməkdaşları iştirak ediblər.
Görüş zamanı bu ilin noyabrında Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29), istilik təchizatı sektorunda səmərəliliyin artırılması və dekarbonizasiya, bərpa olunan enerji mənbələrinin təşviqi, eləcə də, AİB-in dəstəyi ilə istilik təchizatı sektorunda pilot layihələrin həyata keçirilməsi və elektroenergetika sektorunda tariflərin tənzimlənməsi istiqamətində müzakirə aparılıb.
Görüşdə, həmçinin gələcək əməkdaşlıq perspektivləri və qarşılıqlı maraq doğuran məsələlərə toxunulub.
Rəylər (0):