Azərbaycan Avropa İttifaqı ilə “yaşıl enerji"yə keçid strategiyasını müzakirə edib

• 04.02.2023 14:32
• 626

İqtisadiyyat naziri Mikayıl Cabbarov Cənub Qaz Dəhlizi Məşvərət Şurası çərçivəsində nazirlərin 9-cu və Yaşıl Enerji Məşvərət Şurası çərçivəsində nazirlərin 1-ci iclaslarında iştirak etmək üçün ölkəmizdə səfərdə olan Avropa İttifaqının enerji məsələləri üzrə komissarı xanım Kadri Simsonla görüşüb.

"Renewables.az" bu barədə İqtisadiyyat Nazirliyinə istinadən xəbər verir.

İqtisadiyyat naziri Azərbaycanın Avropa İttifaqı ilə əlaqələrə xüsusi önəm verdiyini, münasibətlərin artan dinamikasında qarşılıqlı səfərlərin, yüksək səviyyəli görüşlərin əhəmiyyətini vurğulayıb, ölkəmizin Avropanın enerji təhlükəsizliyinin təminatında etibarlı tərəfdaş olduğunu diqqətə çatdırıb.

Görüşdə Avropa İttifaqı tərəfindən Azərbaycanın bərpa olunan enerji istehsalı sahəsində böyük potensialı qeyd edilib, “yaşıl” enerjiyə keçid strategiyası, resurslardan səmərəli istifadə və enerji sahəsində tərəfdaşlığın gücləndirilməsi barədə fikir mübadiləsi aparılıb.

• yaşıl enerji