Azərbaycanda 2030-cu ilə qədər istifadəyə veriləcək bərpa olunan enerji gücü açıqlanıb
Azərbaycan 2030-cu ilə qədər bərpa olunan enerji mənbələri sahəsində 7 GVt istehsal gücünü istifadəyə verməyi planlaşdırır.
Renewables.az xəbər verir ki, bu sözləri Azərbaycanın energetika nazirinin müavini Orxan Zeynalov bu gün Bakıda keçirilən "Caspian Energy Forum"da deyib.
“Bu həcmin 2 GVt-ı daxili bazarın təmin edilməsi, 4 GVt-ı Qara dəniz vasitəsilə Azərbaycan-Gürcüstan-Avropa “yaşıl enerji” dəhlizi ilə ixrac üçün nəzərdə tutulacaq, 1 GVt-lıq istehsal gücünü isə Naxçıvan Muxtar Respublikası üzərindən dəhliz vasitəsilə Türkiyə və Avropaya ixrac etməyi planlaşdırırıq”, - o bildirib.
Rəylər (0):