Dövlət Statistika Komitəsi 2023-cü il üzrə elektrik enerjisi göstəricilərini açıqlayıb
2023-cü ilin yanvar-dekabr aylarında ölkədə elektrik enerjisi istehsalı 27 milyard 561,5 milyon kVt-saat təşkil edib ki, bu da əvvəlki ilin müvafiq dövrü ilə müqayisədə 1 faiz çoxdur.
Renewables.az bu barədə Dövlət Statistika Komitəsinin məlumatlarına istinadən xəbər verir.
Hesabat dövründə əmtəəlik elektrik enerjisi istehsalı 26 milyard 636,1 milyon kVt-saat təşkil edib və bu da 0,7 faiz çoxdur.
Ötən il ərzində su elektrik stansiyalarının enerji istehsalı 1 milyard 697,8 milyon kVt-saat (8,7 faiz çox), külək elektrik stansiyalarının enerji istehsalı 56 milyon kVt-saat (32,3 faiz az), günəş elektrik stansiyalarının enerji istehsalı 65,6 milyon kVt-saat (8,8 faiz çox) təşkil edib.
Rəylər (0):