SOCAR Green MMC və Universal Energy Co., Ltd. arasında Azərbaycanda bərpa olunan enerji layihələrinin birgə həyata keçirilməsi imkanlarının araşdırılması məqsədilə Anlaşma Memorandumu imzalanıb.
Renewables.az xəbər verir ki, bu barədə SOCAR Green məlumat yayıb.
Məlumata əsasən, sənəd ölkənin bərpa olunan enerji infrastrukturunun möhkəmləndirilməsi məqsədi ilə günəş və külək enerjisi layihələrində (quruda və dənizdə), o cümlədən enerji saxlama sistemlərində əməkdaşlığın əsasını qoyur.
"Memorandum layihələrin inkişafı, EPC (mühəndislik, satınalma və tikinti) və O&M (əməliyyat və texniki xidmət) sahələrində birgə səyləri nəzərdə tutur. Bu strateji tərəfdaşlıq regionda davamlı enerji həllərinin təşviqi istiqamətində mühüm addımdır", - "SOCAR Green"dən bildirib.
