ABŞ-da dalğa enerjisini inkişaf etdirmək məqsədilə maliyyə yardımı ayrılacaq
ABŞ Energetika Nazirliyi, dalğa enerjisi texnologiyalarını araşdırmaq və inkişaf etdirmək məqsədilə maliyyələşdirmə barəsində məlumat yayıb.
Bu barədə “Berpaolunanenerji.az” Birləşmiş Ştatlar Energetika Nazirliyinin Enerji Səmərəliliyi və Bərpaolunan Enerji bürosuna istinadən xəbər verir.
Məlumata əsasən, "PacWave South" test sahəsində dalğa enerjisinin inkişafı və araşdırılması məqsədilə 27 milyon dollar yardım ayrılacaq.
“Təmiz enerjiyə dayanıq iqtisadiyyat qurmaq və iqlim böhranını həll etmək Bayden administrasiyasının əsas prioritetidir”, – deyə Energetika Nazirliyinin Enerji Səmərəliliyi və Bərpaolunan Enerji bürosunun rəsmisi Kelli Bekman bildirib.
Maliyyə məbləği 3 istiqamətdə xərclənəcək:
-
dalğa enerjisi çeviriciləri texnologiyasının test edilməsi üçün 15 milyon dollar;
-
dalğa enerjisinin araşdırılması və inkişafı məqsədilə 7 milyon dollar;
-
dalğa enerjisi çeviricilərinin inkişafı üçün 5 milyon dollar.
Nazirlik bürosunun məlumatına görə, maliyyələşdirmə üçün müraciətlər sentyabr ayında olacaq.
Qeyd edək ki, cari ilin mart ayında İngiltərə universitetlərinin yönəltdiyi 8 dalğa enerjisi layihəsinin inkişafını dəstəkləmək məqsədilə 10 milyon dollardan çox ictimai yardım ayrılmışdı.
Rəylər (0):