ADB ilə enerji sahəsində yeni istiqamətlər üzrə əməkdaşlıq imkanları nəzərdən keçirilib

• 08.10.2024 10:55
• 517

Energetika nazirinin müavini Elnur Soltanov Asiya İnkişaf Bankının (ADB) Mərkəzi və Qərbi Asiya İdarəsinin Baş direktorunun müavini xanım Xiaohong Yangın rəhbərlik etdiyi nümayəndə heyəti ilə görüşüb.

Renewables.az bu barədə Energetika Nazirliyinə istinadən xəbər verir.

Söhbət zamanı ölkəmizin Bankla uğurlu əməkdaşlıq əlaqələri, xüsusilə energetika sektorunun inkişafı üzrə həyata keçirilən birgə layihələr yüksək qiymətləndirilib.

Azərbaycanda bərpa olunan enerji mənbələrindən istifadənin genişləndirilməsi istiqamətində görülən işlər, yaşıl enerji istehsalı və ixracı üzrə hədəflər, həmçinin COP29 beynəlxalq konfransına hazırlıqlar barədə məlumat verilib, enerji sahəsində yeni istiqamətlər üzrə əməkdaşlıq imkanları ətrafında fikir mübadiləsi aparılıb.

• enerji