F1 üzrə Bəhreyn Qran-prisinə güc təmin edəcək günəş layihəsi üçün tender elan edildi
2022-ci ildə Bəhreyndə keçiriləcək Formula 1 Qran-prisinə güc təmin edəcək bir böyük günəş enerjisi layihəsi üçün beynəlxalq ictimai tender elan edilib.
Bu barədə "Berpaolunanenerji.az" Bəhreyn Beynəlxalq Halqasına (BIC) istinadən xəbər verir.
Ən az 3 MVt gücündə olacaq stansiyanın BIC-də avtomobil parklama ərazilərində qurulacaq. Layihə 20 illik bir anlaşma ilə həyata keçiriləcək.
BIC verdiyi açıqlamada layihənin bütün Formula 1 yarışları üçün kifayət qədər enerjini təmin edəcəyi bildirilir.
Bundan əlavə Formula 1, 2030-cu ilə qədər sıfır karbon olma planını hədəfləyir.
Rəylər (0):