Françesko La Kamera: COP29 yaşıl enerjiyə keçiddə həlledici rol oynayacaq
COP29 çox gözəl düşüncə platformasıdır. Bakının bu tədbirə ev sahibliyi edəcəyini səbirsizliklə gözləyirik. COP29 yaşıl enerjiyə keçiddə həlledici rol oynayacaq. COP29 qarşısında duran əsas vəzifə reallığa uyğunlaşmaqdır.
Renewables.az yerli mediaya istinadla xəbər verir ki, bu sözləri Beynəlxalq Bərpa Olunan Enerji Agentliyinin (IRENA) baş direktoru Françesko La Kamera XI Qlobal Bakı Forumu çərçivəsində keçirilən “Yaxşı sözlərdən yaxşı hərəkətlərə keçmək: COP29 üçün hansı məqsədlər qoymaq olar” mövzusunda panel iclasında çıxışı zamanı deyib.
Onun sözlərinə görə, enerji stansiyasını yaratmaqla 2040-cı ilədək emissiyanın 40 faiz azaldılması qarşıya məqsəd qoyulub. “Bu, 60-50 faiz güc deməkdir. Lakin bu, bizim istədiyimizdən çox azdır. Ən azı 1200 meqavat yaşıl enerji gücünə ehtiyacımız var. Növbəti il biz onu real işimizlə göstərməliyik", - deyə IRENA-nın baş direktoru bildirib.
Natiqin sözlərinə görə, əsas məsələlərdən biri infrastrukturun yaradılmasıdır: "Bu, xüsusilə, Afrika ölkələrinə aiddir. Yalnız düzgün infrastrukturdan sonra bərpa olunan enerji ilə bağlı lazımi səviyyədə addımlar ata bilərik. Yaşıl enerjiyə keçid prosesində bacarıqların vacibliyi, o cümlədən bacarıqlı işçi qüvvəsinə ehtiyac xüsusi vurğulanmalıdır. Universitetlərin kurrikulumlarında dəyişikliklər olmalıdır, bu sahədə işçilər yetişdirilməlidir".
Rəylər (0):