Londonda ekoloji hərəkatın 100-dən çox tərəfdarı saxlanılıb
Böyük Britaniyanın paytaxtı Londonda, polis "Extinction Rebellion" ekoloji hərəkatının tərəfdarlarının təşkil etdiyi etiraz aksiyalarında 100-dən çox ekofəalı saxlayıb.
"Berpaolunanenerji.az" xəbər verir ki, bu barədə London hüquq-mühafizə orqanlarının yaydığı məlumatda deyilir.
Keçirilən etirazlar nəticəsində Londonun bir sıra küçələri bağlanıb.
Daha əvvəl "Extinction Rebellion" hərəkatının nümayəndələri ictimaiyyətin diqqətini ətraf mühit və iqlim dəyişikliyinə cəlb etmək üçün iki həftə ərzində hər gün nümayişlər keçirmək niyyətində olduqlarını bildirmişdilər.
Fəallar hökumətdən bərpa olunmayan enerji mənbələrinə sərmayə qoymağı dayandırmağı tələb ediblər.
2018-ci ildə vüsət alan ətraf mühit hərəkatı bir il sonra genişmiqyaslı etiraz aksiyalarına başlayıb.
Rəylər (0):