"Masdar" yaşıl hidrogenin istehsalı və Avropaya ixracı ilə bağlı müqavilə imzalayıb
Dünyanın ən sürətlə inkişaf edən təmiz enerji şirkətlərindən biri olan "Masdar" Avstriyanın aparıcı enerji şirkəti və Avropanın ən böyük hidroenerji istehsalçılarından biri olan "Verbund" ilə yaşıl hidrogen istehsalını araşdırmaq üçün Anlaşma Memorandumu (MoU) imzalayıb.
"Renewables.az" "Masdar"ın yaydığı press-relizə istinadən xəbər verir ki, memorandum Əbu-Dabi Davamlılıq Həftəsində (ADSW) "Verbund"un baş icraçı direktoru Maykl Strugl və "Masdar"ın baş icraçı direktoru Məhəmməd Abdelqader əl-Ramahi tərəfindən imzalanıb.
Razılaşmaya əsasən, iki şirkət yaşıl hidrogenin istehsalı, Mərkəzi Avropaya, xüsusilə Avstriya və Cənubi Almaniyaya ixracı üçün yollarının hazırlanmasında əməkdaşlıq edəcək.
"Masdar"ın baş icraçı direktoru Məhəmməd Cəmil əl-Ramahi deyib: "Masdar" uzun müddətdir ki, gələcək üçün enerji mənbəyi kimi yaşıl hidrogenə öncülük edir və bu gün biz gələcəyin bizim üzərimizdə olduğuna inanırıq. Biz yaşıl hidrogen biznesimizi inkişaf etdirməyə sadiqik, çünki onun qlobal enerji keçidində mühüm rol oynadığını görürük. Biz bu sektora investisiyaları sürətləndirmək və Avropada artan tələbatı ödəmək üçün "Verbund" kimi həmfikir şirkətlərlə əməkdaşlıq etməyi səbirsizliklə gözləyirik. Yaşıl hidrogen bizi karbon neytrallığına bir addım yaxınlaşdıran davamlı enerji sistemi üçün oyun dəyişdiricisidir. Aparıcı bərpa olunan enerji şirkəti kimi "Verbund" yerli hidrogen istehsalının inkişafı və genişləndirilməsi, eləcə də uzunmüddətli idxal həlləri üzərində işləyir".
"Verbund"un baş icraçı direktoru Maykl Strugl dedi. “Biz "Masdar" ilə imzaladığımız əməkdaşlıqdan çox məmnunuq. Yalnız bu kimi qlobal tərəfdaşlıqlarla biz uğurlu davamlı enerji keçidi məqsədinə nail ola biləcəyik”.
"Verbund" elektrik enerjisinin 100 faizə yaxınını iqlimə uyğun, bərpa olunan enerjidən, ilk növbədə, külək və günəş enerjisi ilə tamamlanan hidroenerjidən istehsal edir. Yaşıl hidrogen adətən bərpa olunan elektrik enerjisi ilə işləyən su elektrolizindən əldə edilən hidrogendir. Yaranan enerji daşıyıcısı bir çox enerji tətbiqlərində istifadə edilə bilər. Bu qədər geniş perspektivli istifadə və ehtiyaclarla yaşıl hidrogenə olan tələbatın qarşıdakı illərdə çox artacağı gözlənilir. Beynəlxalq Enerji Agentliyinin Qlobal Hidrogen İcmalı 2022-yə görə, təkcə hökumətlərin iqlim öhdəliklərini yerinə yetirmək üçün 2030-cu ilə qədər illik 34 milyon ton yaşıl hidrogen istehsal olunmalıdır.
Qeyd edək ki, "Masdar" 2030-cu ilə qədər ildə 1 milyon ton yaşıl hidrogen istehsal etməyi hədəfləyir.
"Masdar" eyni zamanda Azərbaycanın əsas bərpa olunan enerji tərəfdaşlarından biridir və şirkətin ölkəmizdəki yaşıl enerji portfeli 10 QVt-dan çoxdur. Şirkət 230 MVt gücündəki "Qaradağ" günəş enerjisi layihəsini həyata keçirir.
Xatırladaq ki, bir müddət əvvəl "Masdar"ın Bakıda, Port Baku Tower-də yeni ofisinin açılışı olub.
Rəylər (0):