"Masdar" şirkətinin Bakı ofisinin açılışı olub
Birləşmiş Ərəb Əmirliklərinin "Masdar" şirkətinin Bakıda, Port Baku Tower-də yeni ofisinin açılışı olub.
"Renewables.az" şirkətin yaydığı məlumata istinadən xəbər verir ki, açılış mərasimində BƏƏ-nin Azərbaycan Respublikasındakı səfiri Məhəmməd Murad Əl Bluşi, Energetika Nazirliyi yanında Bərpa Olunan Enerji Mənbələri Dövlət Agentliyinin (AREA) direktoru Cavid Abdullayev, "Masdar" şirkətinin baş direktoru Məhəmməd Cəmil əl-Ramahinin rəhbərlik etdiyi nümayəndə heyəti və "Masdar Azərbaycan"ın rəhbəri, ölkə üzrə meneceri Murad Sadıxov iştirak ediblər.
"Azərbaycanda varlığımızı genişləndirmək və ölkədə bərpa olunan enerjinin inkişafına dəstəyimizi gücləndirmək üçün biz Bakıda "Masdar" ofisini açmaqdan məmnunuq. Biz dünya səviyyəli layihələri davam etdirmək üçün Azərbaycandakı tərəfdaşlarımızla işləməyi səbirsizliklə gözləyirik", - şirkətin yaydığı məlumatda deyilir.
BƏƏ-nin Sənaye və Qabaqcıl Texnologiyalar Naziri, COP28-in Təyinatı üzrə Prezidenti və "Masdar"ın sədri, Dr. Sultan Əhməd Əl Cabir deyib: “Birləşmiş Ərəb Əmirlikləri və Azərbaycan iqtisadiyyatın şaxələndirilməsi, sabitliyi və inkişafı üçün bərpa olunan enerjiyə sərmayə qoymağın vacibliyini dərk edir. "Masdar"ın Azərbaycanda artan iş miqyası və onun yeni Bakı ofisi sübut edir ki, BƏƏ-nin bütün dünyada karbonsuzlaşma və davamlı inkişafı dəstəkləməyə sadiqliyini nümayiş etdirir”.
BƏƏ-nin Azərbaycandakı səfiri Məhəmməd Murad Əl Bluşi bildirib ki, "Masdar"ın Azərbaycanda ofisinin açılması BƏƏ və Azərbaycanın bərpa olunan enerji mənbələri və davamlılıq istiqamətində birgə ambisiyasının sübutudur. Bizim iki xalqımız davamlı gələcək yaratmaq üçün birgə işləməyə sadiqdir və yeni ofis bu mühüm işə dəstək verməkdə mühüm rol oynayacaq”.
"Masdar" şirkətinin baş icraçı direktoru Məhəmməd Cəmil əl-Ramahi deyib: “Bakıda yeni ofisimizin açılması Azərbaycanın bərpa olunan enerjiyə artan diqqətinin və 2030-cu ilə qədər 100 QVt-a çatacağına söz verdiyimiz "Masdar"ın artan qlobal portfelinin sübutudur. Ölkəyə və onun bərpa olunan enerji məqsədlərinə dəstək olaraq dünya səviyyəli layihələri davam etdirmək üçün Azərbaycandakı tərəfdaşlarımızla işləməyi səbirsizliklə gözləyirik”.
Bərpa Olunan Enerji Mənbələri Dövlət Agentliyinin (AREA) direktoru Cavid Abdullayev bildirib ki, “Geniş bərpa olunan enerji potensialımızın inkişaf etdirilməsi Azərbaycan üçün strateji prioritetdir və biz "Masdar" kimi tərəfdaşlarla işləmək məqsədlərimizə nail olmağımıza və Azərbaycan üçün daha parlaq, daha davamlı gələcək yaratmağa kömək edəcəyinə inanırıq. "Masdar"la imzaladığımız müqavilələr yaşıl inkişaf səyahətimizdə mühüm rol oynayacaq və biz gələcək əməkdaşlığı səbirsizliklə gözləyirik”.
Rəylər (0):