Dünya 30 il sonra da bütün enerji mənbələrinə möhtac olacaq
Son dövrlərdə qlobal enerji bazarlarında kəskin dalğalanmalar müşahidə edilir.
"Berpaolunanenerji.az"ın məlumatına görə, Avropa və Asiya bazarlarını cənginə alan böhran, Şimali Amerika ölkələrində də özünü göstərməyə başlayıb.
Demokratiyanın Müdafiəsi Fondunun Cənubi Qafqaz, Xəzər dənizi və Qara dəniz regionu üzrə Enerji məsələləri üzrə baş məsləhətçisi Brenda Şafferin sözlərinə görə, yaz aylarında milyonlarla ev təsərrüfatları üçün enerji ödənişləri 400 funt sterlinq artacaq: “Enerji daşıyıcıları qiymətlərinin yüksəlməsi yoxsullara qeyri-mütənasib şəkildə təsir edir. Çünki enerji ev büdcəsinin daha böyük bir hissəsidir və tələbi geri qaytarmaq üçün çox az çeviklik var. ABŞ və Avropa siyasətçiləri enerji böhranını təbii qazla müqayisədə bərpaolunan enerji mənbələri üzərində müzakirəyə çevirməyə davam edirlər. Bu, bərpaolunan enerji mənbələrinin təbii mənbələrdən və qazdan asılı olduğunu əsas anlayışın olmasını göstərir. Sabit bir elektrik şəbəkəsi üçün və ehtiyat olaraq qaz lazımdır”.
Enerji bazarları üzrə mütəxəssisi Anas Alhaji isə bildirib ki, 2050-ci ildən sonra da dünyada neftə olan tələbat artmağa davam edəcək: “Çünki bərpaolunan enerji mənbələri üzvi yanacaqları tamamilə əvəz edə bilməyəcək. İqlim dəyişikliyi siyasətinin neft tələbatına təsiri çox şişirdilib. Bu təsir eyni zamanda həm də əsasən tələbatın artımına təsir edir, tələbatın özünə deyil.
Ekspertin sözlərinə görə, dünyanın otuz il sonra da bütün enerji mənbələrinə ehtiyacı olacaq. O qeyd edib ki, texnologiya enerjiyə keçiddə əsas aparıcı faktor olsa da, onun öz məhdudiyyətləri mövcuddur.
Rəylər (0):