Habek: Almaniya “yaşıl enerji” kursunu davam etdirməlidir

• 21.01.2025 16:58
• 332

“Yaşıl enerji”nin inkişafı planlarının həyata keçirilməsi ABŞ Prezidenti Donald Trampın Paris iqlim sazişindən çıxmaq qərarından sonra ona ən yaxşı cavabdır.

Renewables.az “Report”a istinadla xəbər verir ki, bunu Almaniyanın vitse-kansleri, iqtisadiyyat naziri Robert Habek Berlində keçirilən “Handelsblatt” illik enerji konfransında çıxışı zamanı bildirib.

"Biz öz texnologiyalarımızı ön plana çıxarmalıyıq", - Almaniyada ekoloji təmiz elektrik enerjisinin payının 2030-cu ilə qədər 80%-ə çatdırılması ilə bağlı planların müəllifi olan Habek qeyd edib.

Onun sözlərinə görə, daxili “yaşıl enerji” hesabına özünütəminat xüsusilə 2022-ci ildə Rusiyanın Ukraynada hərbi əməliyyatlara başlamasından sonra Rusiya qazının Avropaya tədarükünün azalması fonunda enerji idxalından asılılığa və yüksək qiymətlərə ən yaxşı cavab olaraq qalır.

• yaşıl enerji