Gürcüstan Hökuməti üç külək və beş su elektrik stansiyası tikmək niyyətindədir

• 24.10.2023 10:35
• 1252

Gürcüstan Hökuməti ölkənin müxtəlif regionlarında, o cümlədən Samtsxe-Cavaxeti, Kaxeti, Şida Kartli və İmeretidə üç külək və beş su elektrik stansiyası tikmək niyyətindədir.

Renewables.az-ın xarici KİV-ə istinadən məlumatına görə, bu məsələ Gürcüstanın Baş naziri İrakli Qaribaşvilinin rəhbərliyi ilə hökumətin oktyabrın 23-də keçirilən iclasında müzakirə olunub.

Bildirilib ki, İqtisadiyyat Nazirliyinin təşəbbüsü ilə təqdim olunan enerji stansiyalarının gücü 250 MVt-dan, investisiyaların ümumi həcmi isə 400 milyon ABŞ dollarından artıqdır.

Sözügedən elektrik stansiyalarının tikintisi ilə əlaqədar investor şirkətləri ilə müvafiq müqavilələr imzalanacaq, onların əsasında layihələrin texniki-iqtisadi əsaslandırılması öyrəniləcək, daha sonra tikinti işlərinə başlanacaq.

• hidroenerji
• külək enerjisi