Qlobal bərpa olunan enerji istehsalı ilk dəfə 30,3 faiz təşkil edib
Dünyada ilk dəfə bərpa olunan enerji mənbələrindən istehsal olunan elektrik enerjisi ümumi istehsalın 30 %-ni təşkil edib.
Renewables.az xəbər verir ki, bu məlumat Londonda yerləşən Ember qlobal enerji analitik mərkəzinin hesabatında açıqlanıb.
Hesabatda bildirilib ki, 2000-ci ildən bəri günəş və külək enerjisi istehsalı 2000-ci ildəki 0,21 %-dən 2023-cü ildə 13,35 %-ə (rekord) qədər artıb.
Məlumata görə, ötən il ümumi elektrik enerjisi istehsalında günəş və külək enerjisi istehsalı 13,35 %, hidroenerji istehsalı 14,28 %, digər bərpa olunan mənbələr üzrə istehsal isə 2,67 % təşkil edib.
Bununla dünyada ilk dəfə olaraq bərpa olunan enerji mənbələrinin istehsalı ümumi elektrik enerjisi istehsalının 30,3 faizini təşkil edib.
Qeyd edilib ki, 2023-cü ildə günəş enerjisi istehsalı 23 %, külək enerjisi isə 10 % artıb. Bu dövrdə kömür və qaz kimi qalıq yanacaqlardan elektrik enerjisi istehsalı cəmi 0,8 % artıb.
Ember-in dərc etdiyi Qlobal Elektrik İcmalı hesabatı, qlobal elektrik enerjisi tələbatının 92 %-i təmsil edən 80 ölkənin elektrik enerjisi istehsalı üzrə dünyanın ilk açıq məlumat toplusudur.
Rəylər (0):