ABŞ və Fransanın "TotalEnergies" şirkəti dənizdə külək enerjisi layihələrinin dayandırılması və investisiyaların ənənəvi enerji sahələrinə yönəldilməsi barədə razılığa gəlib.
ABŞ Daxili İşlər Nazirliyinin yaydığı məlumata görə, "TotalEnergies" ləğv edilən dəniz külək layihələrinin icarələrinin dəyərinə uyğun olaraq ölkədə neft, təbii qaz və mayeləşdirilmiş təbii qaz (LNG) istehsalına təxminən 1 milyard dollar sərmayə qoyacaq.
Bəyanatda həmçinin qeyd olunub ki, milli təhlükəsizliklə bağlı narahatlıqları nəzərə alaraq, "TotalEnergies" ABŞ-də yeni dəniz külək layihələri həyata keçirməmək öhdəliyi götürüb.
Razılaşmaya əsasən, ABŞ hökuməti şirkətə icarələr üçün əvvəl ödədiyi məbləğ həcmində kompensasiya verəcək.
