Azərbaycanda iyunda elektrik enerjisi istehsalı 15 % artıb

• 16.07.2024 09:45
• 700

Bu ilin yanvar-iyun aylarında Azərbaycanda 13 milyard 557,4 milyon kVt-saat elektrik enerjisi istehsal edilib.

Renewables.az elektrik enerjisinə dair operativ məlumatlara əsasən xəbər verir ki, bu, 2023-cü ilin eyni dövrü ilə müqayisədə 350,50 milyon kVt-saat və ya 2,52 % azdır.

İyun ayında ölkədə 2 milyard 326 milyon kVt-saat elektrik enerjisi istehsal olunub ki, bu da bir il öncəki göstərici ilə müqayisədə 304,6 milyon kVt-saat və ya 15,1 % çoxdur.

Xatırladaq ki, 2023-cü ilin yanvar-iyun aylarında respublika üzrə elektrik enerjisinin istehsalı 13 milyard 907,9 milyon kVt-saat, həmçinin iyun ayında 2 milyard 021,4 milyon kVt-saat təşkil edib.

• elektrik enerjisi