Beynəlxalq Bərpa Olunan Enerji Agentliyi rəsmi hesabatını dərc etdi

• 18.05.2021 13:55
• 2109

Beynəlxalq Bərpa Olunan Enerji Agentliyi (IRENA) "Şəhərlər üçün bərpa olunan enerji siyasətləri" adlı hesabatını dərc edib.

Bu barədə "Berpaolunanenerji.az"a IRENA-dan məlumat verilib.

Hesabatda bildirilir ki, 1950-ci ildə dünya əhalisinin 30 %-i şəhərlərdə yaşayırdısa, 2018-ci ildə bu göstərici 55 %-ə bərabər olub. BMT-nin açıqlamasına görə, 2050-ci ildə bu göstərici 68 %-ə bərabər olacaq.

Havaya buraxılan karbon emissiyasının 70 %-i şəhərlərdən formalaşır. Həmçinin qlobal enerjinin 70 %-i şəhərlərdə istehsal olunur.

Rəsmi sənəddə Çin, Uqanda, Kosta-Rika şəhərlərində bərpa olunan enerjinin inkişafı, təbliğində əsas mövzular yer alır və həllər təklif edilir.

• beynəlxalq bərpa olunan enerji agentliyi
• hesabat