IRENA bərpa olunan enerji sahəsində işləyənlərin sayını açıqlayıb
Dünyada bərpa olunan enerji sahəsində çalışanların sayı 16,2 milyon nəfərdir.
Renewables.az xəbər verir ki, bu barədə Beynəlxalq Bərpa Olunan Enerji Agentliyinin (IRENA) "Bərpa olunan enerji və məşğulluq" hesabatında bildirilir.
2011-ci ildən başlayaraq 14-cü dəfə dərc olunan hesabatda bildirilir ki, 2023-cü ildə dünyada bərpa olunan enerji sahəsində çalışanların sayı 2022-ci illə müqayisədə 2,5 milyon nəfər və ya 18,2 % artaraq 16,2 milyon nəfər təşkil edib.
Bu sahədə çalışanların 46 %-i və ya 7,4 milyon nəfəri Çindədir. Avropa İttifaqı ölkələrində 1,8 milyon, Braziliya 1,56 milyon, ABŞ və Hindistan isə hər biri 1 milyon nəfər olmaqla bu sahədə işləyir.
Afrika qitəsində müvafiq sənayedə çalışanların sayı cəmi 324 min nəfər olub.
Hesabata görə, işçi qüvvəsinin 32 %-ni qadınlar, 68 %-ni isə kişilər təşkil edib.
Külək enerjisi sənayesində çalışanların sayına görə Çin və Avropa lider olub, müvafiq olaraq 52 % və 21 %. Çin və Avropada külək sənayesində işləyənlərin sayı 1,5 milyon təşkil edib.
Hesabatda günəş fotovoltaik sahəsində işləyənlər 7,2 milyon nəfər olaraq qeydə alınıb.
Rəylər (0):