bp-nin vitse-prezidenti ilə “Şəfəq” günəş enerjisi layihəsinin icrası ilə bağlı ətraflı müzakirələr aparılıb
Energetika Nazirliyi yanında Bərpa Olunan Enerji Mənbələri Dövlət Agentliyinin (AREA) direktoru Cavid Abdullayev bp şirkətinin Günəş və quruda külək enerjisi üzrə vitse-prezidenti Noelia Marivela Alvarez ilə görüşüb.
Renewables.az AREA-ya istinadla xəbər verir ki, görüşdə bərpa olunan enerji sahəsində görülən işlərdən bəhs edilib, “Şəfəq” günəş enerjisi layihəsinin icrası ilə bağlı ətraflı müzakirələr aparılıb.
Xatırladaq ki, 2021-ci ilin 3 iyun tarixində Energetika Nazirliyi və bp arasında 240 MVt gücündə günəş elektrik stansiyasının tikintisi layihəsinin qiymətləndirilməsi və həyata keçirilməsi fəaliyyəti üzrə əməkdaşlığa dair İcra Müqaviləsi imzalanıb. İcra Müqaviləsi çərçivəsində əməkdaşlıq günəş enerji layihəsinin texniki və kommersiya aspektində qiymətləndirilməsini, stansiyanın layihələndirilməsini, maliyyələşdirilməsinin təmin edilməsi və yekun investisiya qərarının qəbulu kimi istiqamətləri əhatə edir.
4 iyun 2022-ci il tarixində Energetika Nazirliyi və bp arasında Cəbrayılda 240 MVt gücündə günəş elektrik stansiyası layihəsinin birgə həyata keçirilməsi ilə bağlı növbəti addımların atılması məqsədilə 2021-ci ilin iyun ayında bağlanmış İcra Müqaviləsinə Əlavə imzalanıb. “Bakı Enerji Həftəsi” çərçivəsində Şuşa şəhərində imzalanan bu sənəd "Şəfəq” Günəş Elektrik Stansiyası layihəsinin reallaşdırılması istiqamətində birgə fəaliyyəti yekunlaşdırmaq üçün görüləcək tədbirləri əks etdirir. İcra Müqaviləsinə edilmiş Əlavə sənədinə əsasən, layihənin icrasında effektiv texniki və kommersiya həllinə nail olmaq üçün “Virtual Enerji Ötürülməsi Mexanizmi” adlı biznes modelinin tətbiqi planlaşdırılır.
Rəylər (0):