Türkiyədə 24 MVt gücündə geotermal enerji stansiyası tikiləcək
Türkiyənin Aydın bölgəsində 24 MVt gücündə geotermal enerji stansiyası inşa ediləcək.
Renewables.az Türkiyə mətbuatına istinadla xəbər verir ki, stansiya yerli "HEZ Enerji" şirkəti tərəfindən inşa ediləcək.
"Hez Moralı JES-1" adlanacaq stansiyanın quruluşu həmçinin texnologiya və mühəndislik məsələləri ilə bağlı İtaliyanın "Exergy" şirkəti ilə anlaşma müqaviləsi imzalanıb.
Stansiyanın inşasının 2024-cü ilin ikinci yarımilinə qədər bitəcəyi, 2024-cü ilin sonunda istismara verilməsi planlaşdırılır.
Beynəlxalq Bərpa Olunan Enerji Agentliyinin (IRENA) hesabatına əsasən, geotermal enerjinin qlobal qoyuluş gücü 15 QVt-a yaxındır. Türkiyənin geotermal enerjisinin qoyuluş gücü 1 691 MVt-dır. Türkiyə qoyuluş gücünə görə, dünyada dördüncü, Avropada isə birincidir. Avropa ölkələrinin geotermal enerji üzrə ümumi qoyuluş gücü 1 634 MVt-dır.
Rəylər (0):