Azərbaycan elektrik enerjisinə tələbatın artımına görə dünyada 2-ci olub

• 31.03.2022 22:15
• 399

Ötən il qlobal miqyasda 12 %-lik artımla Azərbaycan elektrik enerjisinə tələbatın ən sürətlə artdığı 2-ci ölkə olub.

“Berpaolunanenerji.az” xəbər verir ki, bu barədə iqlim və enerji sektorunda fəaliyyət göstərən “Ember” konsaltinq şirkətinin hesabatında bildirilib.

Sənədə əsasən, 2021-ci ildə elektrik enerjisinə tələbatın ən sürətlə artdığı ölkə Çin (13 %) olub. Onu Azərbaycan (12 %), Qazaxıstan (10 %) və Türkiyə (9 %) izləyib.

Araşdırmaya görə, digər bərpa olunan enerji mənbələri nəzərə alındıqda, 2021-ci ildə dünyada elektrik enerjisi istehsalının 38 %-i “yaşıl enerji” mənbələri hesabına həyata keçirilib. Digər tərəfdən, kömür istifadəsində pandemiyadan sonrakı iqtisadi canlanma dövründə 1985-ci ildən bəri ən sürətli artım yaşanıb. 2015-ci ildə Paris İqlim Sazişi imzalanandan bəri küləyin və günəşin payı elektrik enerjisi istehsalında iki dəfə artıb.

• elektrik enerjisi