Britaniya enerji təhlükəsizliyi strategiyasını hazırlayıb
Böyük Britaniya hökuməti ölkənin yanacaq və enerji daşıyıcılarının tədarükündən asılılığını azaltmaq üçün enerji təhlükəsizliyi strategiyası hazırlayıb.
Bu barədə “Berpaolunanenerji.az” Böyük Britaniyanın Biznes, Enerji və Sənaye Departamentinə istinadən xəbər verir.
“Dünyada enerji daşıyıcılarına olan qiymətin artımından və beynəlxalq bazarlarda yer alan volatillikdən sonra Baş nazirin planı Böyük Britaniyanın enerji təhlükəsizliyini gücləndirir”, - məlumatda qeyd olunur.
Strategiya Böyük Britaniyanın yaxın perspektivdə yerli neft və qaz hasilatını dəstəkləyərkən külək, yeni nüvə, günəş və hidrogen texnologiyalarının mənimsənilməsini necə sürətləndirəcəyini müəyyən edir ki, bu da 2030-cu il üçün elektrik enerjisinin 95%-nin aşağı karbonlu istehsalına gətirib çıxara bilər.
Rəylər (0):