“Hidrogen enerjisi: fürsətlər və çağırışlar” mövzusunda vebinar keçiriləcək

• 11.10.2023 11:33
• 331

Oktyabrın 19-da Energetika Nazirliyinin təşkilatçılığı ilə “Hidrogen enerjisi: fürsətlər və çağırışlar” mövzusunda vebinar keçiriləcək.

Renewables.az xəbər verir ki, vebinarda Çinin Çenqdu Texnologiya Universitetinin dosenti Dr.Tanq Bo tərəfindən hidrogen istehsalı texnologiyaları, onların fərqləri, yaşıl hidrogenin üstünlükləri, və onun gələcək enerji landşaftımızdakı rolu haqqında ətraflı məlumat veriləcək, mövzu ilə bağlı suallar cavablandırılacaq. İştirakçılar üçün əlçatanlığı təmin etmək məqsədilə ingilis-azərbaycan dillərində ardıcıl tərcümə təmin ediləcək.

Onlayn seminarda iştirak etmək istəyənlər 19 oktyabr tarixində saat 15:30-da Energetika Nazirliyi yanında Bərpa Olunan Enerji Mənbələri Dövlət Agentliyinin Facebook sosial şəbəkəsindəki səhifəsi vasitəsilə vebinara qatıla bilərlər.

Maraqlı tərəfləri bu informativ sessiyaya qoşulmağa dəvət edir və hidrogen enerjisinin imkanları və çağırışları ilə bağlı maraqlı müzakirəni səbirsizliklə gözləyirik.

• hidrogen