İspaniya şirkətləri Azərbaycanın “yaşıl enerji” sahəsinə investisiya qoyuluşunda maraqlıdır

• 11.12.2024 16:44
• 74

Energetika Nazirliyi yanında Bərpa Olunan Enerji Mənbələri Dövlət Agentliyinin direktoru Cavid Abdullayev İspaniya Krallığının ölkəmizdəki səfirliyinin müvəqqəti işlər üzrə vəkili Xose Pedro Torrubia ilə görüşüb.

Renewables.az BOEMDA-ya istinadən xəbər verir ki, görüşdə Energetika Nazirliyi və İspaniyanın “Elecnor” şirkəti arasında “Azərbaycanda bərpa olunan enerji layihəsi üzrə əməkdaşlığa dair” Anlaşma Memorandumundan irəli gələn məsələlər müzakirə olunub. Həmçinin ikitərəfli əlaqələrin inkişafı məqsədilə bərpa olunan enerji sahəsində gələcəkdə əməkdaşlıq imkanları dəyərləndirilib. Azərbaycanın ənənəvi enerji üzrə həyata keçirdiyi beynəlxalq əhəmiyyətli layihələri barədə məlumat verilib.

Görüşdə İspaniya şirkətləri tərəfindən Azərbaycanın bərpa olunan enerji və “yaşıl enerji” sahələrinə investisiya qoyuluşuna maraq göstərilməsi vurğulanıb.

Söhbət zamanı qarşılıqlı maraq doğuran digər məsələlər ətrafında da fikir mübadiləsi aparılıb.

• bərpa olunan enerji