Pərviz Şahbazov Braziliyada bir sıra tədbirlərdə iştirak edəcək

• 02.10.2024 14:46
• 641

Energetika naziri Pərviz Şahbazov Braziliya Federativ Respublikasının mədən və energetika naziri Aleksandr Silveiranın dəvəti ilə bu ölkəyə səfər edib.

Renewables.az-a bu barədə Energetika Nazirliyindən bildirilib.

Nazir və rəhbərlik etdiyi nümayəndə heyəti oktyabrın 3-də Braziliyanın Foz do İquaçu şəhərində keçiriləcək Təmiz Enerji üzrə 15-ci (CEM-15) və İnnovasiyalar üzrə 9-cu (Ml9) Nazirlər iclaslarında, oktyabrın 4-də isə G20 Enerji Keçidi Nazirlərinin İclasında və Beynəlxalq Enerji Agentliyinin (IEA) icraçı direktoru Fatih Birolun həmsədrliyi ilə keçiriləcək Enerji Keçidi üzrə 4-cü Yüksək Səviyyəli Dialoqda iştirak edəcək.

Səfər zamanı tədbirlərdə nazirin çıxışları və ikitərəfli görüşlərin keçirilməsi nəzərdə tutulur.

• energetika naziri
• tədbir
• yaşıl enerji